Excel или ERP — кога е време за промена

Excel е одличен алат. Проблемот не е Excel, туку кога цела фирма работи на табели што ги знае само една личност. Еве како да препознаете кога е време за нешто повеќе.

Пет знаци дека сте го прераснале Excel

1. Истиот податок се внесува повеќе пати — во табела, во програма за фактурирање и на хартија.
2. Постојат „верзии“ — финална, финална2, финална-вистинска.
3. Залихата не се совпаѓа со реалната состојба, и секој попис носи изненадувања.
4. Извештаите ги прави една личност и траат со денови.
5. Повеќе луѓе мора да работат истовремено — и табелата се заклучува или се брише туѓа работа.

Кога Excel е сосема доволен

Ако сте мала фирма, еден-двајца ги внесуваат податоците и нема повеќе објекти, Excel е брз и бесплатен. Не менувајте нешто што работи само затоа што „сите имаат ERP“.

Што всушност менува ERP

• Една база — еден податок се внесува еднаш и сите го гледаат истиот.
• Улоги — секој гледа и менува само своето.
• Историја — се знае кој што сменил и кога.
• Извештаи во реално време, без рачно спојување табели.

Како да се премине без хаос

1. Опишете ги процесите како што се, не како што „треба“ да бидат.
2. Средете го шифрарникот: артикли, клиенти, цени.
3. Почнете со еден модул — обично магацин или продажба.
4. Работете паралелно кратко време, па исклучете ја табелата.

Не мора готов ERP со модули што нема да ги користите. Може и систем по мерка што расте со вас. Повеќе за ERP систем по мерка →