е-Фактура ·
е-Фактура 2027: што мора да направи вашиот софтвер
Рокови по предлог-законот, UBL 2.1, потпис, валидација и прием — и што да проверите денес.
Датумите се според Предлог-законот за електронско фактурирање објавен во август 2026. Може да се сменат пред законот да биде донесен.
Рокови
| ДАТУМ | КОЈ |
|---|---|
| 1.10.2026 | Доброволна примена за сите |
| 1.4.2027 | ДДВ-обврзници, државни и општински друштва |
| 1.7.2027 | Правни лица што не се ДДВ-обврзници |
| 1.10.2027 | Буџетски корисници, непрофитни организации, НБРМ |
| 1.1.2028 | Сите опфатени субјекти |
Како функционира
Фактурата се креира во структуриран формат (UBL 2.1), се потпишува со квалификуван сертификат и се испраќа до платформата на УЈП. По валидацијата добива единствен идентификатор (еИД) — дури тогаш има правна важност. Примачот може да ја прифати или одбие во предвидениот рок.
Што мора да прави вашиот софтвер
- Да ги извезе податоците од фактурата во UBL 2.1.
- Да ја потпише со сертификатот на фирмата.
- Да ја испрати до УЈП и да го зачува еИД-то.
- Да прима влезни фактури и да ги прифаќа или одбива навреме.
- Да ги архивира документите.
Што да проверите денес
- Дали вашиот добавувач на софтвер има е-Фактура модул и кога.
- Дали фирмата има квалификуван сертификат.
- Колку фактури месечно издавате и примате.
- Кој во фирмата ќе одобрува влезни фактури.
Ако програмата што ја користите нема е-Фактура, не мора да ја менувате — може да се поврзе преку конектор. Повеќе за е-Фактура интеграција →